Gipaklaro ni Mr. Benjohn Nunez, ang Coordinator sa Iligan Lanao Action for Wellness o ILAW kun asa naka focus sa adbokasiya sa HIV-Aids nga walay kamatuoran ang taho labot sa migawas karon sa social media mahitungod sa mga toxic nga gipanglabay sa kadagatan nga adunay HIV.
Matud ni Nunez, dili na mabuhi pa ang dugo sa tawo nga nagdala sa HIV kun makagawas kini sa lawas ilabi na kun mainitan ug ma expose sa acid.
Hinungdan nga sumala ni Nunez nga dakung bakak ang maong taho sanglit sa dagat palang daan nga parat mamatay na ang dugo kun ugaling tinuod man nga aduna gayuy gipanglabay sa kadagatan.
Dugang ni Nunez nga dili angay mabalaka ang katawhan sa pagpamalit ug isda tungod walay kamatuoran ang nasangpit nga gipakalat sa social media.
