ILLEGAL FISHING | Mga persona nga ilegal nga nagapangisda sa kadagatan nga sakop sang Ivisan, ginpangdakop!

49

Ivisan, Capiz- Naharang sang mga katapo sang Bantay Dagat kag Ivisan PNP
ang lima ka mga sakayan pandagat nga ginagamit sa ilegal nga pagpangisda sa
kadagatan nga sakop sang amo nga banwa.

Alas 6:30 sang gab-e naharang ang FB Jonel nga ginapanag-iyahan ni Joy
Castillo nga may yara sang duha ka crew.

Alas 6:42, naharang man ang FB Cecille May nga ginapanag-iyahan ni Gina
Villanueva sang Brgy. Basiao, Ivisan kun sa diin may yara sang tatlo ka
crew.

Takna alas 7:05 sang gab-e naaktuhan man sang mga kapulisan ang FB- Bea
Pares nga ginapanag-iyahan ni Ruel Varnal sang Brgy. Basiao kun sa diin may
yara sang crew.

Alas 7:15 sang gab-e naharang man ang FB Four Kids kag FB Leny Bel nga
nagapatigayon sang ilegal nga sahe sang pagpangisda.

Ang mga ini ang magapangatubang sang multa bangud sa paglapas sa municipal
ordinance sang banwa sang Ivisan.

Facebook Comments