Sapian, Capiz- Dakop ang pito ka mga persona nga ilegal nga nagapangisda sa
kadagatan nga sakop sang banwa sang Sapian alas sais sang aga.
Naaktuhan sang Sapian Bantay Dagat/Fisheries Law Enforcement Team(FLET) kag
Sapian PNP ang mga persona nga nagahingalan kanday Ferdinand Pancho y
Sabando, 40-anyos sang San Florete, Batad Iloilo: Yolly Bartolome y
Alcala, 44-anyos; John Sigue y Bocani, 24-anyos; Wilson parilla y Bocani,
21-anyos lunsay residente sang Brgy. Tambaliza Concepcion, Iloilo; kag isa
pa gid ka 17-anyos nga menor de edad.
Subong man dakop man sanday Jolito Lucero Jr. y Tomarong, 30-anyos kag
Junry Gregorioy Bocani,18-anyos lunsay residente sang Brgy. Culasi Roxas
City.
Narekober sa mga ini ang fishing boat nga nagahingalan M/B Baby Chenny kag
iban pa nga fishing paraphernalias. Ang amu nga mga persona ang gindakop
bangod sa pagbayolar sa municipal fishery ordinance sang banwa sang Sapian.
Sa subong ginkustodiya anay sang Sapian Bantay Dagat ang mga narekober sang
mga otoridad.
