Davao City – Gipahimangnoan sa National Telecommunications Commission (NTC-XI) ang tanang gagamit og handset radio ilabina sa mga mudaganay sa umaabot nga lokal nga eleksyon.
Gipasabot ni NTC-XI Regional Director Nelson Cañete nga dili tanan nanag-iya ug nagagamit og handset radio rehistrado sa ilang buhatan gani ilang pakusgan ang kampanya batok iligal nga paggamit niini ilabina sa mga mukandidato.
“Manggawas ni nga isyu panahon sa kampanya kay ginahatag nila (ang handset radio) sa ilang mga tawo pero kato sila walay mga permit,” butyag ni niini.
Giawhag ni Cañete ang mga mudaganay nga una mu-file og candidacy, muadto usa sa NTC alang sa handset radio permit.
Dugang sa Regional Director, walay exempted kabahin niini gawas sa mga militar nga kanunay’ng awtorisado.
Base sa NTC, usa ang City Transportation and Traffic Management Office (CTTMO) sa wala nakarehistrong paggamit sa handset radio.
Gani sumala ni Cañete, nagpasalig sa milabay’ng tuig si Davao City Mayor Inday Sara Duterte-Carpio nga karong tuig 2018 usahon na lamang ang seminar alang sa registration ug releasing of permits.
RadyoMaN Jason Amisola
