Gipanag-iyahan sa usa ka Barangay Kapitan ang pipila sa mga ginabas nga lawaan nga nakumpiska sa mga otoridad sa Gingoog City.
Matud ni Police Senior Inspector Arlyne Ranario, Spokesperson sa Misamis Oriental Provincial Police Office nga ang kapitan nailang si Eureka Barangay Chairman Perferio Yamit Doque, Jr.
Samtang ang pipila usab sa mga ginabas nga lawaan ang gipanag-iyahan ni Wilfredo Miel sa Sitio Langusahan sa maong barangay.
Matud ni Police Senior Inspector Ranario nga nikabat sa halos usa ka libong board feet sa ginabas nga lawaan ang nakumpiska niadtong Biyernes sa buntag sa Sitio Mutya, Barangay Eureka.
Tulo ka mga lalaking nasapong naggabas sa lawaan ang nakasibat atol sa gihimong operasyon sa mga otoridad batok illegal logging.
Gihimo usab ang operasyon pinaagi sa hiniusang pwersa sa kapulisan sa Gingoog City Police Station sa pagpanguna sa ilang Hepe nga si Police Supt. Ariel Philip Pontillas, City Environment and Natural Resources Office sa Gingoog, Regional Mobile Force Battalion 10, Misamis Oriental Provincial Mobile Force Company, 23rd Infantry Battalion, Philippine Army ug uban pa.
