Davao City – Hugot nga nagmonitor karon ang kapulisan sa Davao Region sa mga pasekreto o patago-tago nga ga-operate nga mga PCSO Lotto outlets, STL o uban pang iligal nga pasugal.
Sa interbyu sa RMN Davao kang Police Regional Office (PRO) XI spokesperson Police Major Jason Baria nga 100% na nga napasirado ang tanang 155 lotto outlets, 4,091 STL outlets ug 3 ka KENO outlets sa entero Davao Region.
Gibutyag ni Baria nga direktiba karon ni PRO XI Regional Director Police Brigadier General Marcelo Morales sa tanang provincial ug city directors nga susihon kung nituman ba gyod ang tanan diha sa closure order subay kini sa mando ni Presidente Rodrigo Duterte.
Matud ni Baria nagmalinawon ang mga operasyon sa kapulisan sa tanang mga probinsya.
RadyoMaN Aimee Guinita
