Mokabat sa 164,713 pesos ang kinatibok ang kantidad sa mga pinutol nga kahoy nga nakompiska sa kapulisan didto sa lalawigan sa agusan del sur sa unang adlaw sa bulan sa disyembre. Sa gipahigayong operasyon sa san luis municipal police station uban ang mga personahe sa DENR.
Nakompiska nila ang 20.75 cubic meter sa nagkalainlaing klase sa kahoy nga mokabat sa 103,650 pesos didto sa km 19 Don Alejandro San Luis, Agusan del Sur.
Samtang didto sa esperanza agusan del sur nakompiska usab sa esperanza pnp uban sa mga personahe sa denr ang 1,609.20 board feet nga kahoyng lawaan nga mokabat sa 40,225 pesos didto sa brgy sta fe esperanza agusan del sur.
Sa pikas bahin mokabat sa 20,838.00 pesos ang kantidad sa nagkalainlaing klase sa kahoy ang nakompiska sa tulo ka managlahing operasyon sa veruela municipal police station,sibagat municipal police station ug Rosario municipal police station uban sa mga personahe sa DENR Agusan del Sur.
Nasayran atol sa maong operasyon walay mga tawong nadakpan sa kapulisan kinsa maoy matudlong responsabli sa pagputol sa maong mga kahoy.
Subay niini nanawagan si General Gilberto dc Cruz ngadto sa mga katawhan sa maong lugar nga mosumbong sa ilang buhatan aron madakpan ang mga responsabli.
Sa pagkakaron gikostodiya na sa buhatan sa denr agusan del sur ang nakompiskang mga pinutol nga kahoy
Sent from my Samsung Galaxy smartphone.
