Nadakpan sa mga maritime police niadtong Huwebes sa kadagatan sa lungsod sa Naawan Misamis Oriental ang upat ka mga lalaki nga nagbuhat sa illegal fishing.
Nailhan ang mga suspek nga sila si Ronie Acuno, 40 anyos, Romeo Lopez Dandasan,62 anyos, Andy cabanillas, 40 anyos ug si Dexter Soliven 38 anyos. Halos tanan kanila ang taga Naawan ra usab sa Misamis Oriental. Kini matud pa sa taho ni Insp. Jonas Raymundo.
Samtang matud pa nag patrol sa baybayon sa Iligan ang mga Regional Maritime Unit, nasapon nila kining maong mga mangingisda sa usa ka marine protected area sa may barangay Linangkayan.
Kauban sa nasikop mao ang usa ka 16 horse powered boat, net, 60 kilos nga mga isda mga pisi ug mga box. Kahinumduman nga ang paghimo ug illegal nga fishing sa maong mga lugar ang nakasupak sa Section 86, Article VI of Republic Act 10654.
