Davao City – Posibleng mahimong iligal ang operasyon sa Salugpungan Ta’tanu Igkanugon Learning Center Inc. (STTILCI) sa alegasyong nagpadayon kini sa paghatag og pagtuon ngadto sa mga estudyante sa mga tulunghaan ilawom sa Salugpungan.
Sa AFP-PNP Presser, gipasabot ni Department of Education kun DepEd XI spokesperson Jenielito ‘Dodong’ Atillo ang mga puntos o sitwasyon nga posibleng mahimong iligal ang operasyon sa kapin 50 ka mga tulunghaan sa Salugpungan.
“Buot pasabot, kung tutor system lang na walay problema pero kung duna nay promise nga sige grade 3 man ka diri, grade 4 naka sunod, mao nay dili in harmony and in frequency with regulations… then that’s the time that we can say that the operation is illegal,” segun sa tigpamaba.
Dugang pagpaklaro ni Atillo nga sa karon suspendido gihapon ang Salugpungan schools bisan pa man gikumpirma niini nga nadawat na sa DepEd ang tubag sa pikas grupo bahin sa pagpasirado sa ilang mga tulunghaan.
Samtang giawhag ni Atillo ang mga ginikanan sa mga apektadong estudyante nga mamahimong ibalhin kini sa DepEd schools ug giklaro niini nga dawaton ang mga bata bisan walay mga credentials.
RadyoMaN Renz Barbarona
