Davao City – Gikaalarma karon sa City Council ang ilang namonitor nga illegal quarry operations dinhi sa syudad sa Davao.
Sumala ni Davao City 2nd District Councilor Danilo Dayanghirang, gireport kini sa mga personahe sa Davao City Environment and Natural Resources Office (CENRO) kinsa responsable sa mga checkpoints alang sa quarry trucks nga nagasulod sa syudad matag gabii ug miangkon nga nakasulay sila og pagpanghasi.
“There’s only one [assigned personnel] kasi sa CENRO and sometimes we rely to the barangay because the barangay has 40% share. Unfortunately ang barangay ay hindi din efficient because it opens an elbow room of give and take and it is also vulnerable to corruption,” segun niini.
Tungod niini, gimanduan ni Davao City Mayor Sara Duterte-Carpio nga pakusgan ug pahugtan ang presensiya sa Task Force Davao ug Davao City Police Office aron mahatagan og asistensiya ang personahe sa CENRO atol sa ilang pagpahigayon og checkpoints ngadto sa Callawa, Mandug, Diversion Road, ug Waan.
Gani dugang sa Committee on Finance, Ways and Means Chairperson nga muabot matod pa sa 10% sa business income gikan sa quarry operations sa syudad ang wala nakoleta gikan sa mga illegal nga naga operate.
Sa kasamtangan, aduna nay 53 ka mga quarry operators dinhi sa syudad ug 64 ang mga bag-ong aplikante nga operators apan na-reject kaniadto adlawng Martes ang 4 niini gumikan sa kakulangon sa rekisitos sama sa Enviromental Compliance Certificate (ECC).
RadyoMaN Jason Amisola
