Sta. Mesa, Manila – Kalaboso ang isang illegal recruiter sa ikinasang entrapment operation sa Old Sta. Mesa, Maynila.
Isinagawa ang operasyon matapos magreklamo ang tatlong biktima laban sa suspek na si Peter Thomas Carpio.
Kwento ng mga biktima, nagpakilala sa kanila ang suspek bilang recruiter ng Airon Agency nitong Setyembre 14 at pinangakuan ng buwanang sweldo na P100,000 bilang housekeeping staff sa isang cruise ship.
Pero paulit-ulit silang hiningan ng pera ni Carpio bilang pambayad sa kanilang mga dokumento kung saan dito na naghinala ang mga bitkima at nagsumbong sa mga pulis.
Hinikayat naman ng pulisya ang iba pang posibleng biktima ni Carpio na magtungo sa kanilang tanggapan.
Facebook Comments
