Davao City – Susihon karon sa mga hingtungdang buhatan ang mga illegal security agencies nga naga-operate dinhi sa syudad sa Davao.
Sa gipahigayong AFP-PNP press conference, giproblema karon ni Police Chief Inspector Cydric Tamayo, Regional Civil Security Unit (RCSU) Chief ang maong mga ahensya diin sumala pa dunay natala nga 84 region based ug kapin 18 ang non-region based ang naga-operate nga walay business permit.
Subay niini, magpahigayon og inspeksyon ang (RCSU), Regional Security Association lakip ang Business Bureau sa mga security agencies.
Gitawag matud pa sa Davao City Council ang ilang atensyon human nga nasuta nga dunay mga non region-based security agencies ang naga-operate nga walay permit sa imbestigasyon sa NCCC mall nga sunog.
Sa karon, manubag ug posibleng mubayad og multa ang masakpang wala nagkuha og business permit ug wala nagasunod sa balaod sa Department of Labor and Employment (DOLE).
Lyra Diansay, JMC intern
