Illegal settlers ug basura solusyonan kontra street flooding

20

Davao City- Nakita nga suliran sa City Engineers Office nga ang mga namuyo nga mga illegal settlers sa mga tributaries ug mga basura sa mga drainage ang mga hinungdan sa pagbara ug pagbaha sa syudad.

Sa interbyu sa RMN Davao kang Engr. Joseph Felizarta, City Engineer’s Office Officer-in-Charge, gibutyag niini nga aduna nay notice of violation ang maong mga illegal settlers aron mapapahawa kini nga nahimutang sa civil service road ug sa mga kanal.


Matud ni Felizarta funded na ang mga proyekto para sa pagsolbad sa problema sa pagbaha sa syudad apan sa kasamtangan wala pa lamang kini naimplementar.

Functional na ang 7 ka mg pumping stations sa syudad ilawom sa Department of Public Works and Highways .

Walay undang ang gihimong clean-up drive sa City Engineers Office, Ancillary Services Unit (ASU) ug DPWH sa dakbayan.

“Mao kana ang atong gina-address mutabang ta sa CENRO ug sa ASU purely cleaning man sila. Ang atoa is implementation sa projects ug sa mga repairs,” matud niini.



Gikatakdang isumite sa CEO ang ilahang report ug mga interventions karong Lunes ngadto kang Davao City Mayor Sara Duterte subay sa street flooding sa syudad.


Nanawagan kini sa katawhan nga mutabang sa paglimpyo sa ilahang mga kanal ug dili magpataka’g labay sa ilahang mga basura nga hinungdan sa pagbara.

RadyoMaN Aimee Guinita

Facebook Comments