ILOILO – Nagapanguna ang Iloilo International Airport sa On-Time Performance Star Ratings sang Official Aviation Guide (OAG), isa ka air travel interligence nga nakabase sa United Kingdom.
Pinakataas sa Pilipinas ang nakuha sang Iloilo International Airport kag ika-14 sa bilog nga kalibutan.
Ang On-Time Performance star rating ginahatag sa mga airport sa kalibutan kon malab-ot ang 2 ka criteria sa diin dapat ang airport lakip na ang mga airlines nga nagagamit diri ang indi magnubo sa 600 ka flights ang mahimo sa kada bulan.
Ginpierde sang Iloilo International Airport asa rankings ang pila ka mga airports sa Asya kaangay sang Incheon International Airport sa Seoul, South Korea, Hong Kong International Airport kag Kuala Lumpur International Airport sa Malaysia.
