Nagpasar sang resolusyon ang Iloilo City Council nga nagapanawagan sa Public Safety and Transportation Management Office ( PSTMO) nga i-demolish ang mga structures sa palibot sang Jaro Plaza angut sa Jaro Agro-Industrial and Charity Fair.
Sa session sang City council, 7 ka konsehal ang nagpabor sa nasambit nga resolution, 2 ang nagpamatok samtang 3 ang nag-abstain.
Suno naman kay City Councilor Joshua Alim, isa sa mga nagpabor , illegal kag delikado ang mga istruktura sa palibot sang Jaro Plaza gani tion na agud mag-akto ang City Council kag hatagan sang pagtamod ang seguridad sang publiko.
Apang suno naman kay City Councilor Ed Penaredondo, pangitaan na lang sang paagi para mapaayo ang lakat sang trapiko bangud madula ang significance sang kapiyestihan sang Jaro kon kuhaon ang mga kiosko tungod diri nagapadulong ang mga sumilimba pagkatapos sang misa.
