ILOILO CITY – Ginconfirmar ni Iloilo City Councilor Jeffrey Ganzon nga nakigkita siya kay Presidente Rodrigo Duterte sa Davao City matapos ginpatawag siya sang presidente duha ka semana na ang nakaligad.
Sa exclusive interview sang RMN Straight to the Point program sang RMN Iloilo, ginpahayag ni Ganzon nga nagapangita sang masaligan sa Iloilo si Duterte.
Isa sa mga naestoryahan nila sang presidente sa sulod sang isa ka oras kag 45 minutos amo nga wala sang tawo si Duterte sa Iloilo kag ginapangita niya ang anak ni anay Senador Roding Ganzon nga isa sa iya mga gina-idolo kag abyan sang iya amay.
“Gusto mo i-endorse ta ka sa PDP Laban… wala na siya namangkot kundi statement, wala ko kabalibad, huya ma man kay siya na mismo nagsiling” , ang pahayag ni Ganzon sa exclusive interview sang RMN Iloilo.
Bukas naman si Ganzon nga mag-upod sa PDP Laban apang malisensya anay ini sa iya mga grupo diri sa Iloilo.Ginhambal man ni Ganzon nga may duha ka pangalan sa Iloilo nga indi luyag mabatian snag preisdente bangod naga-init ang iya ulo.
Sa bahin sang politika, suno kay Ganzon, wala nila nahambalan sang presidente ang tuhoy sa 2019 elections.Kon papilion bilang mayor ukon congressman, sabat ni Ganzon nga pangamuyuan na lang anay niya kon ano man ang posible nga matabo.
Magluwas kay Ganzon, pila ka Ilonggo man ang iya upod sa pagpakigkita sa presidente sa Davao City, ang isa Doktor apang indi niya luyag pangunahan kon sin-o ang mga ini.
