SYUDAD sang Iloilo – Magaconvene subong nga adlaw ang Iloilo City Disaster Risk Reduction and Management Council (CDRRMC) agud maghimo sang assessment sa epekto sang El Niño phenomenon sa syudad.
Suno kya CDRRMO Head Ms Donna Magno, ini agud mahibaluan kun bala mahimo nga ideklarar ang syudad sa idalum sang state of calamity ukon indi.
Paathag ni Magno, magadepende ini sa resulta sang assessment.
Ginatan-aw sang CDRRMO ang mga barangays nga naapektuhan sadtong 2013, 2015 kag 2016 pati na ang mga barangays nga wala sang serbisyo sang Metro Iloilo Water District.
Sa 33 ka barangay nga na-assess, 23 ka barangays ang nagreport nga 20% sang ila mga residente ang apektado.
Base sa data sang CDRRMO sang Huwebes sang nagligad nga semana, 73 mil na ka populasyon sang syudad ang apektado apang magataas pa ini samtang nagapasulod ang iban nga report suno kay Magno.
Nahibaluan nga may 150 million nga DRRM fund ang syudad kag 30% sini ang pwede maggamit bilang quick response fund.// via Joel Franco reports
Photo from web
