Iloilo City nagapabilin nga peaceful – ICPO

ILOILO CITY – Nagapabilin nga peaceful ang syudad sang Iloilo base sa data sang Iloilo City Police Office (ICPO).

Sa data sang Iloilo City Police Office may 45 ka crime incidents sadtong Oktubre 16-22, 2017 gikan sa 133 ka krimen sa amo man nga period naghligad nga tuig.

Ini nga numero may pagnubo sang 66.16% sa data sang nagligad nga tuig.


Suno kay ICPO officer-in-charge Director S/Supt. Henry Biñas ini nagapakita nga generally peaceful ang syudad.

Sa record, may lima lamang ka kaso sang pagpangawat sang nagligad nga semana kun ipanggid sa 17 ka kaso sa amo man nga period sang nagligad nga tuig.

May syam naman ka kaso sang physical injuries sa kaangay nga period nga mas manubo sa 21 ka kaso sang nagligad nga tuig.

May 120 naman ka mga minors nga narescue ang kapulisan samtang nagapatuman sang curfew for minors.

Pahayag ni Biñas ang hugot nga pagpatuman sang curfew for minors nakabulig sang pagpanubo sang crime incidents sa syudad.

Nagasugod ang curfew for minors alas 10 sang gab-e tubtob alas 4 sang kaagahon sa masunod nga adlaw.

Facebook Comments