ILOILO CITY – Napilian ang syudad sang Iloilo bilang isa sa 50 ka mga historical sites para sa landmark lantern lighting sa Agosto 8, alas 7 sang gab-i.
Ini bilang kabahin sang golden anniversary sang Association of Southeast Asian Nations ukon ASEAN.
Pangunahan ni Mayor Jed Patrick Mabilog ang programa sa Iloilo Convention Center ukon ICON sa Megaworld.
Suno kay City Tourism Officer Junel Ann Divinagracia ini dulolongan nga himuon sa 50 ka mga historical sites sa pungsod.
Makita sa anom ka tapak nga lantern ang ASEAN logo kag colors nga may dahon sang anahaw kag bulak sang sampaguita nga gindisenyo sang National Historical Instittute.
Ang mga inmates sa BJMP ungka ang naghimo sini nga lantern nga 80 ka bilog nga bombilya.
Matandaan nga nangin host ang syudad sang pila ka ASEAN meetings subong nga tuig.
Photo: Iloilo City Government
