Liwat nga pagahingyuon sang iloilo City Police office ukon ICPO sa City Government nga ideklarar nga persona non-grata ang CPP-NPA.
Ginpahayag ni ICPO Director Col. Martin Defensor nga magapadala sila sang sulat kay Mayor Jerry Trenas agud hingyuon nga ideklarar ang CPP-NPA bilang persona non-grata.
Madumduman nga sang nakaligad nga administrasyon ni anay Mayor Joe III Espinosa, ginhingyo man sang ICPO nga ideklarar nga persona non-grata ang CPP-NPA apang wala maaprobahan sang City Council.
Ginhatagan pagtamod ni Defensor nga apesar wala sang ginahimo nga pagpanggamo ang rebelde nga grupo sa siyudad sang Iloilo apang ang mga legal fronts sini amo ang nagahimo sang mga pagpang-extort kag nagapang-recruit sang ila mga miyembro bagay nga dapat lamang sila nga ideklarar nga persona non-grata.
