Lubos na nga iga-turn-over sang Iloilo Provincial government sa Bureau of Jail Management and Penology ukon BJMP ang pagdumala sa Ilolo District Jail nga nahamtang sa Barangay Nanga, Pototan sa masunod nga tuig.
Ini nagakahulugan nga madula naman ang ginahatag sang probinsya nga 5 million pesos nga subsistence allowance kada tuig para sa pagkaon sang mga priso.
Suno kay Governor Arthur Defensor nga kutob na lamang sa bulan sang Disyembre ang paghatag sang bulig sang Provincial government sa District Jail kag umpisa sa Enero 2018, yara na sa BJMP ang full autonomy sa pagdumala sa nasambit nga jail facility.
Angut sini, natalana nga magapirmahanay sang memoramndu,m of agreement ang Iloilo Provincial Government kag BJMP kon sa diin iga-turn-over sang probinsya ang nasambit nga pasilidad lakip na ang tanan nga kagamitan nga ginapanag-iyahan sini sa BJMP.
