ILONGGA OFW KAG ISA PA KA PINAY SA EGYPT, GINA MALTRATO SANG AMO KAG TUYO MOLESTIYAHAN

Report ni: Tita Jen Palomo Debaja

Naga parescue ang isa ka Ilongga nga OFW sa Egypt kag ang upod sini matapos tuyo naman nga molestiyahan sang amo ang upod sini sang Oktubre 8, 2018.

Nagpangayo sang bulig si Jonna Salutin Facularin sang San Enrique Iloilo kag ang upod sini nga si Rose Jean Robles, OFW sa Cairo Egypt matapos ginpaandaman sila sang amo nga indi magpanugid sa ila agency sang tuyo sini nga pag pang molestiya.


Nahibaluan nga ginpapati sang agency si Jonna nga naga bakasyon lang sa Egypt ang iya mga amo tungod natingala ini kon ngaa sa Jeddah ang working contract apang dal-on siya sa Egypt.

Nagligad ang 9 ka bulan wala gihapon nagbalik sa Jeddah ang mga amo ni Jonna kag naabutan niya didto ang isa man ka pinay nga pareho niya, Saudi man naka base ang working contract.

Ang masubo gintuyo sila pareho sang upod sini nga himuslan sang ila amo. Sang nagreklamu ini nga ibalik nalang sa agency, gin away na siya sang amo kag pilit kon tani kuhaon ang iya pasaporte.

Sa karon, naga kahangawa na si Jonna kag Jean sa ila sitwasyon tungod ginpahog na ang mga ini nga ibunggo ang ulo sa pader kon manugid bisan kay sin-o.

Sa agency nila sa KSA nga AL EED AGENCY, HIGHMARK MANPOWER kag ANCHOR MANPOWER AGENCY, aktuhan ninyo ang kinahanglanon nila agud marescue ang makaluluoy ninyo nga APLIKANTE.

Name : Rosejean Robles ( Highmark ) Jonna Facularin ( Anchor )

Facebook Comments