Duha ka basketball player sang Western Visayas nga nagapasakop sa Palarong Pambansa ang magahampang na sa University Athletics Association of the Philippines ukon UAAP umpisa sa masunod nga season.
Ginkumpirmar ni Western Visayas coach Vincent “BVing” Conlu nga mangin kabahin sanday Mark Nonoy kag Jean Raven Beliran sang UST high school team sa masunod nga season kadungan sa pagsiling nga pareho ang mga ini nga makahatag sang daku nga kontribusyon sa UST Tiger cubs .
Nagasalig si Conlu nga makahimo sang ila kaugalingon nga ngalan sanday Nonoy kag Beliran sa ila pagsulod sa University of Sto. Tomas para UAAP.
Ginpahayag ni conlu, coach sang Western Visayas Selection sa Palarong Pambansa nga mismo si UST Seniors coach Aldin Ayo ang nagrecruit sa duha ka players sang Iloilo.
Daku naman ang kalipay ni Mark Nonoy nga makatuon siya sang libre sa nasambit nga Unibersidad sa Manila .
Para naman kay Beliran, dream come true para sa iya nga makahampang sa UAAP.
(courtesy: SPIN.PH)
