Iloy nagbata sa sulod sang Ceres bus, bata ginhingadlan kay ‘Ceresa Mina’

484

VICTORIAS CITY, NEGROS OCCIDENTAL – Hilway na ang isa ka babayi kag ang iya lapsag matapos nga ini siya ang nagbata samtang nga nagasakay sa isa ka bus sang Ceres Liner via Minapasok Calatrava halin sa Victorias City mga pasado la una kahapon sang hapon.

Ang babayi nakilala kay Vilma Salondro, 27 anyos ang edad, pumuluyo sang Victorias City kag magapadulong sa Barangay Canibungan, Cadiz City.

Suno sa report, si Vilma ang nagsakay sa amo nga bus upod ang isa pa niya ka bata nga nagaedad tatlo ka tuig, apang samtang nga ini sila ang naga-biyahe, hinali na lamang nga nagsakit ang iya nga tiyan.

Bangud sini, ginbuligan sang duha ka babayi nga pasahero si Vilma kag ini siya ang ginpahigda sa pulungkuan sang bus kag gin-alalayan sa iya pagbun-ag sang iya lapsag.

Ginhapit nalang ini gilayon sa St. Anne District Hospital sa Cadiz City.

Angut sini, ginhingadlan ni Vilma ang iya bata nga si Ceresa Mina, halin sa ngalan sang bus nga Ceres nga may byahe nga Minapasok, Calatrava kon diin didto ini nagbata./Photo courtesy of Novelyn Mahilum

Facebook Comments