ILOILO City – Nagahilibi-on si Nenita Jablo, iloy ni Ryan “Arsap” Jablo sang ginserbe sang Philippine Drug Enforcement Agency (PDEA) 6 ang search warrant sa balay sang iya anak sa San Isidro, Jaro.
Suno kay Nenita Jablo, matinlo ang iya bata.
Ginpahayag man ni Jablo nga diosnon si Arsap Jablo pareho man sa ila nga mga ginikanan rason nga madamo sang rebulto sang santos sa ila balay.
“Diosnon… Muna gusto ko santos. Kay natural Diosnon si Nanay kag Tatay nila,” ang pahayag ni Nenita sa RMN News Team samtang nagatulo ang luha.
Nahibaluan nga bata man ni Nenita Jablo ang bana ni anay Desamparados punong barangay Noemi Jablo nga si Rusty Jablo nga identified sadto sa Prevendido drug group.
Si Rusty Jablo ginpreso matapos nanghostage kag napatay man matapos nagbitay sa CR sang presuhan sa General Santos City sadtong 2017.
Antes nag-suicide si Rusty, gintiro patay ang ila utod nga si Carcar Jablo sa Desamparados, Jaro sa diin ginpatihan nga may kaangtanan sa illegal nga droga ang natabu nga pagluthang sa iya.
Photo © Flo Navarrete
