BACOLOD CITY – Nagpakigkita ang pila ka miembro sang Unity for Progress team kag representante sang pila ka mga Non-Government Organizations sa Negros Occidental sa iloy ni anay DILG Secretary Mar Roxas nga si Mrs. Judy Araneta Roxas kahapon.
Ginpangunahan ni Negros Occidental Gov. Alfredo Marañon Jr., kag Vice Gov. Eugenio Bong Lacson ang Unity for Progress Team sa pagpakigkita kay Roxas upod sa ila nanday anay Cong. Jeffrey Ferrer kag Bago City Mayor Nicholas Yulo lakip na si anay Manapla Mayor Manuel Escalante.
Katuyuan sang meeting nga ipalab-ot kay Mrs. Roxas ang suporta sang grupo kag sang mga NGOs sa kandidatura ni Sec. Roxas sa pagka-senador sa palaaburong nga May 2019 elections.
Samtang, lakip sa mga ginpakig-kitaan ni Judy Araneta-Roxas amo ang mga barangay health wokers, mga youth leaers, katapo sang mga NGOs subong man mga scholars sang Gerry Roxas Foundation./dyHB BACOLOD
PHOTO: UNITY FOR PROGRESS Congressman Jeffrey Ferrer, Mayor Nico Yulo, Mayor Manolet Escalante, Judy Araneta-Roxas, Vice Gov. Bong Lacson and Gov. Alfredo Marañon Jr. | Jude Jo-an
