Iloy sa texas arestado matapos malumos sa bath tub ang anak samtang nawili sya sa facebook

Extra Wow Balita – Suno sa Parker Country Sheriff Office, gin-aresto nila ang 21 anyos nga si Cheyenne Summer Stuckey matapos malumos ang iya anom ka bulan nga anak sa bath tub sa ila balay.
Naggwa sa imbestigasyon nga ginbutang ni Stuckey ang anak sa bath tub kag ginpatubudan sang tubig.

Naggwa siya kag nagcommunicate sa iya mga abyan sa Facebook kag ginlimtan ang anak sa bathtub.

Makaligad ang 19 ka minutos nga pagcommunicate sa duha ka tawo sa Facebook, ginbalikan niya ang anak apang nagalutaw na ini sa bathtub.


Sa autopsy natukiban nga pagkalumos ang gintunaan sang kamatayun sang lapsag.

Gin-ako ni Stuckey nga nawili sya sa Facebook kag nalipatan niya ang iya anak.

Bangud sini ginkuha na ang apat ka tuig nga kapid kag ang duha ka tuig nga bata nga lalaki sa costudy ni Stuckey kag ginbutang sa foster care.

Facebook Comments