Report ni: Tita Jen Palomo Debaja
Tungod sa masubo nga balita sa trahedya nga nadangatan sang iya 80 anyos nga iloy kag 2 ka kabataan, naconfine gid ang OFW nga si Freda sa ospital nga gina obrahan sini agud pakalmahon matapos mag-hysterical sang mabal an ang natabu sa iya 2 ka bata kag iloy.
Suno sa mag asawa, naestorya pa nila ang ila kabataan sa telepono sang Huwebes sang gab-i pila ka oras bag o natabu ang sunog.
Ang mag-asawa nga Manny kag Freda 15 na ka tuig nga naga obra sa isa ka pribado nga ospital sa Jeddah.
Sa Jeddah man ginbun-ag ang ila duwa ka kabataan kag napilitan lang nga ipauli ang mga ini sa Pilipinas sang tuig 2011 tungod mabudlay nga pareho naga obra ang mag asawa sa ospital.
Natigayon nga makakuha sang extension sang passport si Freda sa bulig ni Philippine Consulate Consul General Edgar Badajos tungod manug expire na sa Marso ang passport sini.
Nagpangako man si Social Welfare Attache Priscilla Razon nga buligan ang mag asawa mag abot sa Iloilo.
Sa madumduman, nasunog ang poluy-an sang pamilya sa MH Del Pilar, Jaro sang petsa 1 sang Nobyembre kag sunog gid ang Lola kag ang 2 ka mga apo sini.
Base sa impormasyon halin sa Saudi, nakaflight na ang mag asawa kagab-i kag magaabot subong nga adlaw agud atipanon ang pag dul-ong sa katapusan nga palahuwayan sang ila mga pinalangga.
Sent from my iPhone
