Padayon nga nagpakahilom ang Iligan Light and Power Incorporated o ILPI labot sa reklamo karon sa kadaghanang kunsumante sa kuryente dinhi sa syudad niining kalit na usab nila nga pagpasaka sa bayronon sa kuryente.
Naningkamot ang sibyaan nga makakuha ug tubag gikan sa mga kadagku-an sa ILPI aron mapatin-aw ang kalit nga pag-usbaw sa bayronon sa kuryente apan bisan usa kanila walay gipatim-aw aron sa pagtubag sa maong isyu.
Daghan ang nakurat dihang migawas ang bag-ong bill sa kuryente tungod halos tag kinintos pesos ang usbaw o ang increase sa ilang mga bayronon sa kuryente.
Hinungdan nga boot sa mga kunsumante karon nga matubag sa ILPI ang pagpasaka nila sa presyo sa kuryente tungod dugang problema na usab kini alang sa mga kunsumante gumikan niining pagtaas sa bayronon sa kuryente.
