Nagabulig na ang National Bureau of Investigation ukon NBI
kag Criminal Investigation and Detection Group ukon CIDG sa Iloilo
Provincial Police office sa imbestigasyon angut sa pagpatay sa STL operator
sa probinsya nga si Sam Aguilar.
Ini matapos gin-ako sang Police Regional Office 6 nga
blangko sa gihapon ang kapulisan sa identity sang mga suspek kag kon ano
gid ang madalom nga motibo sa krimen.
Apisar sini, ginpahayag ni IPPO Director Sr. Supt. Marlon
Tayaba nga pito ka motibo ang ila ginalantaw sa pagpatay kay Aguilar.
Nahibaluan nga gindala na sa Manila ang bangkay ni Aguilar
kag pagahiwaton ang cremation sa Marso 27 alas 2 sang hapon sa La Funeraria
Paz sa Parañaque.
Pagadal-on naman ang abo ni Aguilar sa London kon sa diin
nagapuyo ang iya pamilya.
