Sa pakighinabi sa DXDC RMN Davao kang Police Lieutenant Evelyn Tidula, Women and Children Protection Desk (WCPD) Officer sa Tagum City Police Station, iyang gibutyag nga hangtod karon, dili pa makahatag og konkretong detalye ang biktima tungod anaa pa kini sa kahadlok.
Dugang pa nga ang taga-barangay mismo ang naunang nakaresponde sa panghitabo hinungdan nga mi-viral dayon kini sa social media.
Sa inisyal nga impormasyon, giingong gikan trabaho ang babae ug misakay sa usa ka habal-habal ug giingnan kini sa driver nga sila mag-shortcut og agianan, apan duna diay dautang plano ang lalaki.
Padayon karon ang gihimong imbestigasyon sa WCPD aron sa pagsikop sa suspect nga daling misibat human sa insidente.
Subay niini, usa ka Mary Girl ang misaysay sab sa Facebook nga nakasinati na sab siya sa susamang insidente ug wala siyay laing nabuhat kung dili ang muambak na lang sa motor hinungdan nga sila naangol. Ug gipaigmat ang katawhan nga mag-amping gyud ilabi na sa gabii.
RadyoMaN Ivy Parido
