Imbestigasyon sa Chavez-Predas Double Murder Case nagpadayonsamtang POI, anaa na sa unom

Davao City – Kumpyansa ang Davao City Police Office (DCPO) nga dili madugay, masulbad na ang Chavez-Predas double murder case ilabi na karon nga adunay dakong kalambuan ang imbestigasyon.

Atol sa AFP-PNP Press Conference niadtong June 19, 2024, gibutyag ni DCPO Spokesperson Police Captain Hazel Tuazon nga nagpadayon ang ilang mga gilusad nga tests ug press conferences ug sa karon, gipaabot na lang ang ubang mga resulta.

Gani gikan sa duha ka Person of Interest (POI), nadugangan kini og upat. Ug ang kompletong detalye ug impormasyon kalabot sa 6 ka mga POI, gihuptan na sa Bajada Police Station.

Gipaniguro usab sa DCPO nga wala matulog ang maong kaso ug hayag ang paglaum nga mahatagan og hustisya ang mga biktima.

Kahinumdoman nga niadtong April 21, 2024, napalgan nalang ang mag-uyab nga si Jeff Predas ug Jennifer Chavez nga wala nay kinabuhi sulod sa usa ka condominium sa Bajada ning syudad.

RadyoMaN Ivy Parido

Tag: DXDC 621 RMN Davao