ILOILO City – Luyag ni mayor Jose Espinosa III nga maimbestigaran ang ginsudlan sang Metro Iloilo Water District (MIWD) nga P12.34 billion nga joint venture agreement sa Metro Pac Water Investment Corp (MWIC).
Sa sulat nga ginpadala ni Espinosa sa city council gusto ni Espinosa nga matun-an sang city council kun ano ang mangin epekto sa kontrata sang MIWD sa Metro Pac.
Dugang pa sang alkalde nga mahimo man maka-adopt sang nagakadapat nga ordinansa ang syudad para maamligan ang mga residente sang syudad.
Panindugan sang alkalde nga kun gin-imbestigahan sang konseho ang Panay Electric Company (PECO) dapat man nga maimbestigahan ang MIWD.
Nahibaluan nga gina-question ni Espinosa ang legality sang board of directors sang MIWD kag luyag niya nga mag-appoint sang bag-o nga katapo sang miwd board of directors.
