Sa interbyu sa DXDC RMN Davao kang Police Executive Master Sergeant Reagan Jay Patricio, imbestigador sa Digos City PS, giila niini ang duha ka biktima nga sila Ian Semia Andico, 48 anyos ug Quillano Albinda, 32 anyos, pulos residente sa maong lugar.
Sa inisyal nga imbestigasyon, nag-inom ang duha sa dihang kalit lamang silang gisulod sa wala mailhing suspek ug gipamusil ang nahisgutan, diin dead-on-the-spot ang usa, samtang ang usa dead-on-arrival sa ospital.
Ginasuta usab karon sa kapulisan kung aduna bay closed-circuit television (CCTV) footages sa lugar nga pwedeng magamit sa imbestigasyon.
“Sa karon, naga-conduct pa mi og follow up (investigation) kay bag-o lang nahitabo. Then, hot pursuit (operation) ug possible nga ma-identify namo ang suspek ani,” sulti ni Patricio.
Sa pagkakaron, hugot ang koordinasyon sa kapulisan ngadto sa pamilya sa mga biktima nga makatabang ilabi na sa pagsayud sa motibo sa krimen.
RadyoMaN Kirby Manzon
