Imbestigasyon sa pagpusil-patay sa kandidato pagka-board member, nagpadayon

General Santos City— Padayon ang ginahimong imbestigasyon sa Kabacan Municipal Police Station sa nahitabong pagpusil-patay sa duha ka mga indibiwal ug pagka-angol sa laing duha sa merkado publiko sa Brgy. Poblacion, Kabacan.

Sumala kang Police Superintendent Aldrin Gonzales, tigpamaba sa Police Regional Office 12 nga alas 4 ang takna sa hapon dihang gipusil ang mga biktimang naila silang Susan Montawal nga kandidato sa pagka-board member sa Maguindanao ug usa ka Harris Montawal.

Samtang duha usab nga mga bystander naigo sa saag nga bala. Daling gidala sa balay tambalanan ang mga biktima apan gideklarang dead on arrival ang duha ka mga Montawal.


Dugang pamahayag ni Psupt Gonzales nga sa karon ginaimbestigahan pa ang motibo sa maong krimen kung kini ba makonsiderang election related o adunay posibleng personal grudge.

Paspas matud pa nga misibat padulong sa wala matinong direksyon ang mga suspek.

Sa karon, nangita pa ug testigo ang kapulisan nga posibleng nakakita sa mga uspek nga makatabang sa pagsulbad sa krimen.

Facebook Comments