Davao city – Naglusad na karon og imbestigasyon ang kapulisan sa Buhangin labot sa pagpanulis patay sa usa ka taxi driver nga nahitabo sa Barangay Mandug ala-1:30 ganinang kadlawon.
Sa inisyal nga impormasyon, giila ang biktima nga mao si Erlindo Moreno Jr, Mister Taxi Driver ug nagpuyo sa dalang Father Selga ning dakbayan sa Dabaw.
Samad dinunggaban sa tunga nga bahin sa liog ang mikutlo sa kinabuhi ni Moreno kinsa gideklara nga patay na dihang girespondehan kini sa medical team sa Central 911.
Matud ni Davao City Police Office Spokesperson Police Senior Inspector Teresita Gaspan nga posibleng tulis ang motibo ang pagpatay sa biktima sa suspek kinsa dali misibat palayo sa mao nga lugar.
RadyoMaN Joel Viray
Facebook Comments
