TACLOBAN CITY – Nagdumara hin dayalugo an Philippine National Police (PNP) ngan Armed Forces of the Philippines (AFP) kanina kaupod an mga namatayan nga pamilya tungod han misencounter han mga kapulisan ngan kasundaluhan ha Sta. Rita Samar dida han Hunyo 25.
Diri pwede makasakob an media ha Matapat Hall han Police Regional Office 8 kun diin gindudumara an dayalugo.
Pero matapos an haros tulo ka-oras nga dayalugo, nakahimangraw han media hi 8th Infantry Division (ID) Major General Raul Farnacio han Phillipine Army, sumala ha iya, waray agreement o pagkasarabot nga nahinabo.
“Wala namang actually agreement dito, mahirap itong healing process na sinasabi natin. Kung kailan yung acceptance, doon lang natin masasabi na siguro matanggap na nila.”
“Ang profession naman na pinasok nila [mga pulis] o yung investment namin dito eh yung buhay, so part yan ng incident or accident na nangyayari talaga.”
Durante han dayalugo, iginhatag han AFP an cash assistance nga PHP60,000 each para han pamilya nga namatayan hin pulis o killed-in-action, PHP33,000 each naman para wounded-in-action ngan PHP10,000 each para ha slight wounded-in-action.
Nakakarawat na gihap an pamilya han killed-In-Action hin PHP256,346 tikang ha PNP Special Financial Assistance.
Naghatag gihap an PNP Chief hin PHP100,000 each.
Mahihinumduman nga ha pagbisita ni Presidente Rodrigo Duterte ha pamilya han namatayan, naghatag gihap an Presidente hin PHP220,000 cash assistance.
Nagpatapod gihapon an PNP ngan AFP hin scholarship program para han mga anak han pulis ngan pabalay gihap para ha pamilya.
Ha pagka-yana, waray pa resulta han imbestigasyon hini nga misencounter han mga kasundaluhan ngan kapulisan.
“Alam naman ng lahat siguro na may misecounter or miscoordination so inaayos naman namin yung investigation para kahit papaano mapatch-up natin yung mga loop holes.”
Pero dayon an ginpasaka nga kaso nga multiple murder han mga pamilya ngadto ha mga kasundaluhan nga naka-engkwentro han mga kapulisan.
