ILOILO City – Gin-ako ni Task Force ASIS Head Engr. Roberto Dumanil nga
problema nila ang implementasyon sang regulation *o*rdinance 2011-458 ukon
ang no reserve parking ordinance of Iloilo city.
Ini nga ordinansa amo ang nagadumili sa pagbutang sang reserved
parking signs sa mga parking areas.
Maluwas lamang sa mga financial institutions kaangay sang bangko,
pawnshops kag lending institutions nga ginakabig risky establishments.
Suno kay Dumanil, ginapatuman nila ang ordinansa apang may mga
estilo ang mga tag-iya sang establishments nga palusot sa ordinansa.
Problema man diri ang mga security guards nga nagapamahog sa ila
mga operatives.
Bangud sini nagahingyo si dumanil nga hatagan sila sang abogado
nga katapo sang task force agud mapadasig ang pagpasaka nila sang kaso sa
mga violators.
