Matud ni Davao City Police Office Spokesperson Police Captain Hazel Tuazon, dunay exesting nga ordinansa ang syudad kabahin sa “NO PICK UP POLICY” ug pagbutang og ngipon na lamang ang gikinahanglan aron epektibo kini mapatuman sa mga law enforcement agency sa ingon ma-obliga gayod ang mga bus sa dili pag-pick-up og pasahero sa mga dalan.
Sumala ni Tuazon, nagpahigayon na og panagpulong ang Traffic Enforcement Unit, Land Transportation Office, Land Transportation and Franchising Regulatory Board ug gihisgutan ang pagsugod sa implemintasyon sa maong ordinansa.
Dili buot sa lokal nga gobyerno nga mahitabo sa dakbayan, ang natigayon sa Luzon area kung asa gipamusil patay ang duha ka mga pasahero sulod sa bus samtang nagbiyahe kauban ang suspetsado.
Sa pikas bahin, pabor si Tuazon sa rekomendasyon nga mag-instalar og CCTV ang mga bus aron sa ingon mailhan dayon ang mga kriminal nga muhimo og krimen sulod sa magbiyaheng bus.
Dugang sa Tigpamaba, lakip sa ilang gibantayan og maayo mao ang Davao City Overland Transport Terminal.
RadyoMaN Joel Viray
