Pilar, Capiz – Isa ka lalaki ang nabun-an kag nalab-an alas 10:15 sang gab-e sa Sitio Tico Brgy San Fernando, Pilar, Capiz.
Ginkilala ang biktima kay Rammy Boñales, 48-anyos sang Brgy. Hipona, Pontevedra, Capiz kag caretaker sang punongan. Ini ang nag-angkon sang mga kapilasan sa iya nawala nga porsyon sang ulo, kamot kag buno sa tiyan.
Samtang ang ginatudlo nga suspetsado ang kaupod sini sa pag-inom nga nakilala kay Tommy Baylosis y Celis, 38-anyos kag residente sang Brgy Ermita, Dumangas, Iloilo.
Base sa inisyal nga imbestigasyon sang kapulisan, magkaupod nga naga-inom ang duha sang nagluntad ang pagsabtanay sa tunga sang mga ini sang wala mag-intindihanay sa ila topiko. Nagkuha sang binangon ang suspek kag diri ginlabo si Boñales.
Matapos ang insidente, insigida ini nga gindangat sa Bailan District Hospital para madapatan sang pagbulong.
