Impormante sa krimen nakadawat o reward

19

Pagadian City – Gidawat kagahapon sa hapon ang reward nga kwarta sa usa ka impormante nga miresulta sa pagkasikop sa usa ka wanted person dinhi sa dakbayan sa Pagadian nga nag-atubang og kasong pagpatay ug pagpanulis.
Ang usa ka impormante gipa-atubang sa Media apan wala hinganli tungod sa iyang seguridad midawat sa reward money nga P200 mil gikan sa Pagadian City Government Unit.
Sila si Pagadian City Mayor Sammy Co ug Police Lt. Col. Parson Asadil uban ang myembro sa Sanguniang Panlungsod maoy mitunol sa P200 mil ngadto sa impormante.
Mahinuduman nga nadakpan ang suspek nga si Surpikal Usman nga taga-Maruing, Lapuyan Zambonga del Sur didto sa Kumalarang niadtong April 3, 2021.
Si Usman maoy gitumbok nga suspetsado sa pagpusil patay ni Jonathan Ighot Saldua usa ka Sales Agent San Miguel Beer Corporation diin natigayon ang pagpamusil sa Brgy. Sta. Lucia ning syudad niadtong Hulyo 20, 2020 kun asa nakuha usab sa suspek ang kwarta nga 80 mil peso ug mga alahas.

Facebook Comments