Davao City – Gumikan sa bagohay lang nga pagkakompiskar sa mga misdeclared fake cometics, mas gipakusgan karon sa Bureau of Customs ang ilang pagmonitor sa mga imported products.
Sa gipahigayong press briefing karong adlawa sulod sa Customs house sa Sasa ning syudad, giseguro ni BOC-XI commissioner Isidro Lapeña nga dili na makalusot ang susamang smuggled products sa ilang buhatan.
“Though nakalusot sa first four successful acts, lahat yun mawawala sa fifth or sixth. This should be a strong warning for them, ” segun niini.
Giklaro ni Lapeña, nakalusot ang mga fake cosmetic products gumikan wala kini gideklara ug dili kini ma-determina gilayon nga peke sa mga xray machines.
Gani nagpahinumdom si Atty. Romallino Valdez, acting district collector, nga madetermina kung peke ang usa ka produkto pinaagi sa pagtan-aw sa presyo niini nga mas barato sa orihinal, tan-awon usab ang packaging kung walay manufacturer’s address lakip ang deformation sa logo niini.
Kahinumdoman kaniadtong Abril 20, 2018 nagpahigayon og raid ang BOC sa duha ka mga stalls sulod sa DCLA mall nga mao ang Double Time Trading ug H Fashion and Cosmetic Products nga gipanag iyahan ni Reymundo Mira ug usa ka stockroom/warehouse nga gipanag iyahan usab sa HHX Products.
Sumala pa, mokabat sa 50M pesos ang kantidad sa mga nakumpiskang smuggled ug counterfeit products sa mga lotion, perfume, sabon ug uban pa diin pipila niini mga popular nga produkto.
Samtang ang maong mga produkto ipaguba ni Commissioner Lapeña gumikan makadaot kini sa kalawasan.
RadyoMaN Jason Amisola
