Importansya sa ‘Go bag’ gipasabot

127

Davao City – Gipasabot karon sa KABALIKAT Civicom ang importansya sa ‘go bag’ o emergency bag nga angay magbaton ang matag pamilya isip pagpangandam panahon sa dili matagna nga kalamidad.

Sa interbyu sa DXDC RMN Davao kang Prime Cruz, head sa KABALIKAT Civicom Davao City Chapter, gibutyag niini nga sulod sa maong Go Bag mao ang ready to eat food, tubig, whistle kun pito, flashlight, battery-operated radio, gamayng sinina, beddings, kitchen utensils nga magamit labi na panahon sa pag evacuate.


Segun ni Cruz nga obligado ang tanan nga magbaton sa maong emergency bag dili lamang sa matag panimalay kundili lakip na ang mga opisina ug mga tulunghaan.

Butyag niini nga kini tungod kay dili dayon makapaabot og tabang o kaha maka responde ang otoridad diha diha dayon rason nga importante ang maong ‘go bag’.

“Definitely, Importante gyud na sya sa katawhan labi na kung massive ang disaster, dili dayon makaduol ang mga responder, mga outside help mao na nga self-help ta. Mao na nga gina-require ang mga tao og go bag or emergency bag,” saysay ni Cruz.

Dugang niini nga tumong sa pagpangandam mao ang ‘zero casualty’ o pagsiguro nga walay makalas nga kinabuhi panahon sa kalamidad.

RadyoMaN Kirby Manzon

Facebook Comments

From Advertisers