Human nga naka dawat ug taho ang kapulisan sa Salug dali nga nagpahigayon ug night watch patrol sa pagpangulo ni SPO1 Harley June B. Mejorada didto sa dalang nasyunal Pob. East, Salug, ZDN.
Matod pa sa nag hatag ug impormasyon nga usa ka Bongo Mazda kolor itom ang gituohang nagkarga kini ug ubay-ubay nga naesmagol nga sigarilyo gikan sa lungsod sa Ipil padulong sa brgy. Caracol, lungsod sa Salug.
Sa gihimong check point sa kapulisan positibo nga giila ang maong sakyanan base na usab sa paghulagway sa impormante. Giharang kini ug ge tan-aw sa mga otoridad kung unsay karga, didto nakita ang napulo ka kahon sa sigarilyo nga imported.
Nasayran nga ang nagmaneho mao usab ang tag-iya nga si Imar Colambog Tamin, apan wala usab nakapakita ug dokumento sa maong mga kotrabando.
Ang mga nakumpiska nga sigarilyo anaa na karon na tanggong sa Salug MPS samtang padayon ang gihimong imbistigasyon.
