Sa pakighinabi sa DXDC RMN Davao kang Police Chief Master Sergeant (PCMS) Ruel Melencion, traffic chief ug investigator sa Pantukan MPS, iyang gibutyag nga mipasalig ang tag-iya sa dump truck nga tabangan ang pagpahilona sa biktima human sa aksidente.
Gisaysay sa imbestigador nga gikan sa Mati City ang biktimang si Rodel Toledo, 32 anyos, ulitawo, nga taga Ulas, Talomo, Davao City, sa dihang pag-abot sa incident area, mi-overtake kini sa dump truck apan tungod sa lubak nga dalan, na-slide ang iyang motor hinungdan nga napasok kini ug nalatayan sa dakong sakyanan.
“Nakita lang pud gud namo sa iyahang motor nga sniper, medyo dili na maoy standard nga ligid ba. Gamay na nga ligid ang iyahang ginagamit. Mao pud na ang among nakita nga usa sa mga hinungdan mao ‘tong na-slide sya,” sulti sa pulis.
Pahimangno sa awtoridad nga likayan ang pag-improvise sa sakyanan aron malikayan ang maong insidente. Kinahanglan usab nga siguradohong anaa sa maayong kondisyon ang driver, diin nasayrang nagbaton matud pa og bangi ang biktima ug ang iyang hinigugma ayha kini mibiyahe pabalik sa trabaho.
RadyoMaN Kirby Manzon
