Sama-samang binista ng International Monitoring Team (IMT) Head of Mission (HOM), Chairmen ng Coordinating Committee on the Cessation of Hostilities (CCCH) ng Moro Islamic Liberation Front (MILF) at Government of the Philippines (GPH) ang 3 sugatang sundalo na nakipaglaban sa Daesh-inspired Bangsamoro Islamic Freedom Fighter (BIFF) sa Midsayap, North Cotabato noong nakaraang linggo.
Dinalaw nina IMT, Maj Gen Datuk Masrani Paiman, IMT HOM, MILF CCCH Chairman Butch P. Malang at GPH CCCH BGen Earl D. Baliao ng Armed Forces of the Philippines (AFP) sina Cpl. Amiroden J. Dimasangca, Pfc. Mark Ronel B. Mahilom at Pfc. Buenaventura C. Raygon na kasalukuyang nagpapagaling sa pagamutan ng 6th Infantry Division, Philippine Army sa Camp Siongco, Awang, Cotabato City.
Ang pagbisita ay bahagi umano ng Confidence Building Measures effort sa pagitan ng stakeholders ng GPH-MILF peace mechanism.
Ang IMT at CCCH ay bahagi ng GPH-MILF peace process infrastructure, (photo credit: milf official website)
