IN PHOTO: Month-old nga bata damay sa panginabuhian sa pamilya

20

Usa ka gabii, mi dine in ko sa isa sa mga fastfood chains sa may Colon Street sa siyudad sa Sugbo. Nakugang ko sa dihang nakita naku ang usa ka bata nga naghigda sa karton kilid sa maong pagka-onan.

Sa akoang tan-aw wala pa ni motuig bataa. Gipuli-pulihan ni og bantay sa usa ka babaye nga posible niyang mama ug batang lalake nga posible sad niyang older brother. Ang katong babaye nagbantay og baligyaanan og mga pirated nga DVD tapad sa maong pagka-onan og asa ko mikaon.

Naay time nga gipatotoy ang bata. Naa poy time nga gipaypayan siya. Apan sigurado nga dili gyud ni safe para sa bata. Simbako og matamakan siya o matagakan og bug-at nga butang. Tapos bugnaw pa gyud ang kagabhion. Unya naa ra intawn sa karton naghegda. Hugaw pa gyud ang sawog ug ang palibot sa maong sidewalk.

Makaguol kaayo ang sitwasyon sa bata. Apan makahimout pud ang pagpangga nga gipakita sa babaye ug sa batang lalake. For sure dili lang kini nga bata o pamilya ang naay ingon ani nga sitwasyon. Hinaot pa tagaan unta sila og dugang grasya sa Ginoo para mahatag sa bata ang pagpangga ug gugma nga iyang gikinahanglan.

Unsa inyo reaksyon ani nga hulagway mga idol? Unsa man pud inyo bation basta makakita mo og bata nga naa intawon maghigda daplin sa dalan?

Facebook Comments