Patay ang isang ginang matapos pagtatagain ng sariling anak dahil sa perang natanggap mula sa Social Amelioration Program (SAP) sa La Union, nitong Biyernes.
Ayon sa pulisya, tinaga ng 34-anyos na suspek, na kinilala lamang sa pangalang “Tonyo”, ang kanyang 59-anyos na nanay sa kanilang bahay sa Barangay Amlang, Rosario.
Nag-ugat umano ito sa panghihingi ng suspek ng pera mula sa P5,500 na ayuda na nauwi sa pagtatalo nilang mag-ina.
Nang hindi mabigyan, dito na pinagtataga ng suspek ang sariling nanay.
Isinugod pa sa ospital ang ginang, ngunit idineklara ring dead-on-arrival ng mga doktor.
Ayon pa sa awtoridad, wala sa tamang pag-iisip at nakainom pa ang suspek na nahaharap sa kasong parricide.
Facebook Comments
