Davao City – Giangkon matud pa sa inahan sa napatayng miyembro sa New Peoples Army kun NPA nga sakop ang iyang anak sa maong grupo.
Kahinumduman nga napatay ang giilang si Viva Albert Abenua alyas Ivy, 37 anyos, commander sa Pulang Bagani Command 3, taga-Ilang-ilang, San Mariano, Agusan del Sur human sa natigayong engkwentro tali sa militar ug mga sakop sa teroristang NPA alas 11 sa buntag niadtong miaging adlaw sa Purok 1, Brgy. Baracatan, Toril, Davao City.
Sumala pa sa inahan sa NPA nga 3 na ka tuig ang iyang anak nahimong miyembro sa maong grupo gani aduna kini tulo ka mga anak nga nabilin usab.
Sa karon, gikuha na sa inahan ang patayng lawas sa biktima.
Base sa report nga naengkwentro sa 1st Platoon 3rd Infantry Battalion Philippine Army gibana-banaang anaa sa 25 ka mga rebelde niadtong tungora nga gipanguluhan matud pa sa usa ka Kumander Nasser.
Gipataas na usab sa mga otoridad sa Toril ang alert status sa lugar human sa maong panghitabo.
RadyoMaN Renz Barbarona
