Sa pagpanubay sa DXDC News Team pinaagi kang RadyoMaN Aimee Guinita, subay sab sa report sa San Pedro PNP, patay ang inahan nga usa ka Dolores Celocia human dunggaba og kitchen knife sa anak nga usa ka Devine Lim, lesbian.
Sa inisyal nga imbestigasyon, hubog ang inahan nga miabot sa balay sa anak ug live-in partner niini sa dihang gipaningil sa inahan ang live-in partner sa bayad sa tubig, nagsugod ang lalis, taod-taod miabot ang anak niini ug wala na nahusay ang away diin mikuha og kutsilyo ang anak ug gidunggab sa makadaghang higayon ang biktima resulta sa kamatayon.
Gidala pa sa ospital ang biktima apan gideklara kining dead on arrival. Samtang ang suspek, ginapangita na karon sa otoridad human misibat pagkahuman sa krimen.
Gisubay karon sa DXDC News Team ang area aron mahinabi ang mga posibleng witness sa maong insidente.
RadyoMaN Renz Barbarona
